Ka shumë informacione të rreme për kancerin: ndërsa disa prej tyre mund të jenë të padëmshme, të tjera ndikojnë negativisht në sjelljen e njerëzve. Ja disa sqarime me rastin e Ditës Botërore të Kancerit.
Asnjë sëmundje si kanceri, shkaku i dytë kryesor i vdekjeve në botë, nuk është subjekt i miteve dhe besimeve. “Disa vite më parë, Shoqata Amerikane e Kancerit urdhëroi një studim mbi disa besime të rreme rreth kancerit për të parë se sa të përhapura ishin ato,” shpjegon Paolo Vineis, kreu i njësisë kërkimore në epidemiologji dhe gjenetikën molekulare në Fondacionin e Gjenetikës Njerëzore (HuGeF) të Torinos.
“Rezultatet janë befasuese: një në katër të anketuar mendojnë se nuk është e nevojshme të ndryshojnë stilin e jetës në moshë të re për të parandaluar sëmundjen, tre në dhjetë persona janë të bindur se telefonat celularë shkaktojnë kancer (edhe nëse është një temë ende shumë e diskutueshme dhe objekt studimi, për të cilin nuk ka prova përfundimtare shkencore).
TEORITË E PROPABILITETIT
Besimet e gabuara gjithashtu mund t’i bëjnë individët të sillen në një mënyrë negative për shëndetin: për shembull besimi se operimi i një kanceri mund të çojë në përhapjen e qelizave malinje, ose se radioterapia është më e rrezikshme sesa vetë sëmundja mund të bëjë që personi të refuzojë trajtimin. të cilat përkundrazi përbëjnë mundësinë e tij të shpëtimit.
Shoqata Amerikane e Kancerit raporton gjithashtu se 28% e të anketuarve janë të bindur se një kurë përfundimtare për kancerin tashmë ekziston, por që për disa arsye ai po mbahet i fshehtë. Dhe të mendosh se të paktën një e treta e formave më të zakonshme të kancerit do të ishte e parandalueshme me një mënyrë jetese korrekte dhe se rritja e burimeve të investuara në parandalimin, diagnostikimin e hershëm dhe trajtimin në kohë mund të shpëtojë 3.7 milionë jetë çdo vit.
Me rastin e Ditës Botërore të Kancerit, Ditës Botërore të Kancerit 2021 që festohet në 4 Shkurt, le të sqarojmë të ndryshmet “Thuhet se…”
1-SHUMË NJERËZ QË KANE KANCER E KANËTRASHËGIM NGA FAMILJA – E rreme
Shumica e kancereve nuk e kanë të trashëguar. Vetëm ndërmjet 5% dhe 8% janë të trashëguar. Konfuzioni lind nga fakti se kanceri shpesh thuhet se është një “sëmundje gjenetike”. Sëmundja e gjeneve, megjithatë, nuk është një sëmundje trashëgimore: gjenet në fakt mund të ndryshojnë në moshën madhore, si dhe të trashëgohen në një formë të caktuar nga prindërit. Dhe është e rëndësishme të mbani mend se trashëgimi i një gjeni të mutuar që rrit rrezikun e kancerit nuk do të thotë domosdoshmërisht zhvillim i kancerit gjatë jetës tuaj.
2-PAS VITEVE PIRJE TE DUHANIT NDALJA E TIJ ESHTE E KOTË – E rreme
Sepse studimet tregojnë se edhe pse rreziku nuk eliminohet plotësisht, shanset për t’u prekur nga kanceri i mushkërive zvogëlohen kur ndaloni duhanin dhe pas 10 vjetësh nga cigarja e fundit rreziku për të vdekur nga ky kancer është rreth gjysma, krahasuar me ato të një duhanpirësi. Dhe rreziku për t’u sëmurur me kancere të tjera të lidhura me duhanin (shumë kokë-qafë, fshikëz, mëlçi, veshka, pankreas, vezore, stomak, etj.) zvogëlohet në mënyrë progresive me rritjen e kohës pa duhan. Çdo cigare shtesë rrit rrezikun, kështu që sa herë që një person vendos të lërë duhanin, ai do të ketë përsëri një përfitim.
3 -FISKULTURA PARANDALON KANCERIN – E vërtetë
Disa lloje kanceri janë të ndjeshëm ndaj efekteve të lëvizjes, gjë që redukton incidencën e tyre: lidhja e drejtpërdrejtë është demonstruar për kancerin e zorrës së trashë, endometrit dhe gjirit, ndërsa për të tjerët, si kanceri i prostatës, të dhënat nuk janë ende të mjaftueshme për të nxjerrë përfundime të sigurta. Megjithëse mekanizmi me të cilin aktiviteti fizik ushtron një veprim antikancerogjen nuk është kuptuar ende plotësisht për disa lloje kanceri, ata që merren me sport sëmuren më pak se ata që bëjnë një jetë sedentare, sepse lëvizja bën që trupi të prodhojë substanca mbrojtëse ose të reduktojë niveli i inflamacionit në trup dhe përqendrimet e substancave pro-kanceroze (siç janë disa hormone femërore ose insulina). Nuk dihet as në cilën moshë është më mirë të filloni, por kjo vlen vetëm për kancerin: ushtrimet, në fakt, janë të dobishme për parandalimin e sëmundjeve kardiovaskulare dhe për të shmangur osteoporozën. Për këto qëllime, sa më shpejt të filloni, aq më mirë.
