Titujt kryesorë të mediave sportive në Europë:
“Raphinha gati!” Gazeta “Sport” siguron në faqen e saj të parë se FC Barcelona ka “gati” nënshkrimin e Raphinhas, për të cilin ka ofruar 55 milionë euro plus bonus.
“Marca” hapet me “Kampionatin europian të femrave, Angli 2022”: Spanja fiton me kokë. Ndeshje e shkëlqyer për Spanjën ndaj Finlandës, me katër gola pas disa goditjesh me kokë.
“As” vjen me titullin: “Kështu fillon”. Spanja, e cila pësoi gol pas 50 sekondash, fitoi me golat e Irene Pardes, Aitana, Lucia Garcia dhe Mariona.
Edhe “Mundo Deportivo” shkruan për fitoren e Spanjës: “Debutim i madh”. Përzgjedhja arrin një fitore kumbuese.
L’Equipe hapet me “Turin e Francës”: Në një finale në shpatet ekstreme, fitoi trikoja e verdhë e Tadej Pogacar.
