Një punonjës i sektorit të pastrimit ka rënë pre e dhunës teksa ishte duke punuar në Selanik, Greqi.
Ngjarja ka ndodhur në orën 05:30 të mëngjesit të së shtunës, kur punonjësi ishte së bashku me kolegët e tij duke grumbulluar mbeturinat nga koshat e një lagjeje.
Siç raportojnë mediat greke, në këtë moment një qytetar i nevrikosur ka dalë në ballkon duke u bërtitur dhe duke i ofenduar punëtorët, pasi ata e kishin zgjuar nga zhurma që makina e mbeturinave bënte. Mirëpo, ai nuk u ndal këtu, pasi më pas doli nga shtëpia e tij dhe goditi me grushte njërin prej punonjësve të komunës, duke e goditur në fytyrë, e duke i thënë “më zgjove”.
Skenat e panikut mobilizuan kalimtarët të cilët nxituan të tërhiqnin qytetarin nga punëtori, i cili ishte në gjendje shoku nga sulmi dhe madje kishte të nxira në fytyrë nga goditjet.
