Në sallën e konferencave të stadiumit “AIR Albania” u hodh shorti i edicionit të ri futbollistik 2022/2023 të Kategorisë Superiore.
Sezoni i ri do të startojë më 20 gusht 2022 dhe do të ulë siparin më 24 maj 2023. Menjëherë java e parë do të rezervojë përballje “BIG” për titullin ku Kukësi do të presë në shtëpi Tiranën, kampionen në fuqi të Shqipërisë. Partizani do ta nisë në shtëpi ndaj Egnatias. Nënkampionët e Laçit do të përballen ndaj Teutës, Bylisi do ta nisë aventurën në Superiore në Ballsh ndaj surprizës së sezonit të kaluar, Kastriotit. Erzeni pas 19 vitesh pritje do të debutojë ndaj Vllaznisë.
Derbi i kryeqytetit do të jetë në javën e 6-të me Partizanin pritës ndaj Tiranës.
Skuadrat pjesëmarrëse janë: Tirana, Laçi, Partizani, Kukësi, Vllaznia, Teuta, Kastrioti, Egnatia, Bylis, Erzeni.
