Një ngjarje e rëndë është regjistruar në orët e para të ditës së sotme në Vlorë, ku një 17-vjeçare është vetëhedhur nga kati i katërt i banesës së pushimit.
Policia ka njoftuar se ngjarja ka ndodhur në lagjen “Uji i Ftohtë”, ku e mitura kishte shkuar për pushime. Ajo është transportuar për në spitalin e Traumës në Tiranë, ku ndodhet në gjendje të rëndë.
Nuk dihet nëse ishte për pushime me familjen apo miq të saj, ndërsa grupi hetimor ndodhet në vendngjarje për të zbardhur rrethanat.
Njoftimi i policisë:
Më datë 15.07.2022, gjatë natës, në lagjen “Uji i Ftohtë”, Vlorë, dyshohet se është vetëhedhur nga kati i katërt i banesës së pushimit, një shtetase 17 vjeçe, e cila ndodhet në spitalin e Traumës, Tiranë, nën kujdesin e mjekëve.
Materialet i kaluan Prokurorisë Vlorë, për veprime të mëtejshme.
