Padyshim që lajmi se një majmun kishte dhunuar disa policë bashkiakë bëri xhiron e mediave. Pronari i Kikos tregon një tjetër version duke mohuar faktin se ai ka dhunuar policët, pasi pohon se majmuni është i familjarizuar me njerëzit. Në një prononcim për gazetaren e ‘News24’ dhe BalkaWeb Shpresa Dine, i zoti i majmunit, pohon se Kiko nuk është agresiv.
Ai pohon se majmuni jeton me ta në shtëpinë e tyre dhe se çdo ditë mirëpret turistë.
“Kiko nuk është agresiv. Për ne është një njeri në familjen tonë. Ai ka dhe një kec që bën shoqëri me të. Bën shoqëri me të janë rritur bashkë dhe flenë bashkë. Turistët vijnë këtu dhe e filmojnë. Ai nuk është agresiv. Nuk ngacmon. për mos të thënë se njerëzit janë agresiv me të pasi kur e shohin në rrugë e ngacmojnë.”, tha i zoti i majmunit Kiko.
