Janë pezulluar nga detyra 3 efektivë të forcave “Shqiponja”, Blerta Gjergji, Harrun Hysenaj dhe Rezart Hajdaraj, pasi nga hetimet ka rezultuar se ata kanë ushtruar dhunë ndaj një personi me iniciale A.K., kur është shoqëruar me datë 06.11.2021 në dhomat e sigurisë. Personi ndaj të cilit është ushtruar dhunë, A.K., ka bërë një kallëzim ndaj këtyre 3 efektivëve.
Nisur nga kjo, Drejtoria e Policisë së Durrësit nisi hetimet dhe nga këqyrja e pamjeve, në ambientet e dhomave të sigurisë, rezultoi se në datë 06.11.2021, pikërisht gjatë kohës që ky person ka qëndruar në dhomat e sigurisë, 3 efektivët kanë ushtruar dhunë ndaj tij.
Si rezultat, ndaj këtyre efektivëve u vendos pezullimi plotësisht nga ushtrimi i detyrës me vendim të Gjykatës së Shkallës së Parë Durrës. Efektivët e pezulluar nga detyra janë përkatësisht:
– Inspektore Blerta Gjergji, me detyrë Trupë Shërbimi në Sektorin e Forcës së Posaçme “Shqiponja” në DVP Durrës.
– Inspektor Harrun Hysenaj , me detyrë Trupë Shërbimi në Sektorin e Forcës së Posaçme “Shqiponja” në DVP Durrës
– Inspektor Rezart Hajdaraj, me detyrë Trupë Shërbimi në Sektorin e Forcës së Posaçme “Shqiponja” në DVP Durrës.
