Një bilanc tragjik prej 3 të vdekurish u shënua mesditën e sotme, pas një atentati me armë në mbikalimin e Fushë-Krujës.
Mësohet se disa persona ende të paidentifikuar kanë qëlluar me breshëri me armë drejt një mjeti në lëvizje, duke vrarë në vend shoferin e saj dhe një pasagjer.
Ndërkohë sipas informacioneve paraprake, Një tjetër pasagjeri i ulur në sedijen e prapme të makinës ka dalë nga mjeti i plagosur, me shpresën për të kërkuar ndihmë, por atentatorët e kanë parë dhe kanë kthyer makinën e tyre, duke e qëlluar për vdekje. Ky person është identifikuar si shtetasi me iniciale B.V, me banim në Fushë-Kuqe, Kurbin.
Ata janë larguar në drejtim të Durrësit, ndërsa makina e sulmuar ka shpërthyer në flakë, për shkak të breshërisë së plumbave dhe temperaturave të larta të motit, duke bërë në këtë mënyrë më të vështirë identifikimin e viktimave.
Në vendngjarje ka pasur shumë dëshmitarë, të cilët pritet t’i vinë në ndihmë Prokurorisë.
