Sezoni i verës në Tiranë është një nga destinacionet e preferuara të turistëve. Ky “trend” është vënë në dukje 3 vite më parë ku u raportua se numri i turistëve që vizituan kryeqytetin shqiptar ishte më i lartë se numri i banorëve.
Mesa duket edhe sot në vitin 2022 Tirana vazhdon të tërheqë goxha turistë të huaj nga e gjithë bota.
Turistët kryesisht nga Evropa Perëndimore kanë pushtuar rrugët e kryeqytetit së fundmi aq sa ka bërë të “zhduken” qytetarët tiranas.
Grupet e turistëve në Tiranë i sheh me aparate fotografike në duar ku fokusojnë ndërtesat dhe pikat më interesante që kryeqyteti ofron.
Të huajt duan të mësojnë më shumë rreth Tiranës dhe disa prej pikave atraktive që ata vizitojnë janë: Sheshi Skënderbej, Kulla e Sahatit, Kalaja e Tiranës, apo dhe Muzeu historik kombëtar ku ata mund të mësojnë më shumë për kulturën dhe traditën shqiptare.
