Data e parë që do të shënohet në axhendë është 15 nëntori 2022: në këtë ditë popullsia globale do të arrijë tetë miliardë. Deri në vitin 2100 do të vazhdojë të rritet, duke arritur në 8.5 miliardë në 2030, 9.7 miliardë në 2050 dhe 10.4 miliardë në 2100.
Në vitin 2021, dy vendet më të populluara në botë ishin Kina (në vend të parë me 1.43 miliardë banorë) dhe India (në vendin e dytë me 1.41 miliardë banorë). Në vitin 2023, indianët do bëhen më shumë se kinezët: rreth vitit 2060 India do të arrijë kulmin e saj me 1.7 miliardë njerëz dhe më pas do të fillojë të bjerë. Popullsia kineze, nga ana tjetër, do të fillojë të zvogëlohet në vitet e ardhshme, duke u përgjysmuar në vitin 2100, kur do të mbeten “vetëm” 776 milionë kinezë.
Vendet që do të kontribuojnë më shumë në rritjen e popullsisë globale janë ato të Afrikës Sub-Sahariane, ku më shumë se gjysma e banorëve të rinj të tokës do të përqendrohen deri në vitin 2050.
Rritja globale e popullsisë është shkaktuar pjesërisht nga rënia e vdekshmërisë dhe rritja e jetëgjatësisë, e cila në vitin 2019 ishte rreth 73 vjet, gati 9 vjet më shumë se në vitin 1990. Kush do të lindë në vitin 2050, vlerësojnë ekspertët, mund të presin të jetojnë mbi 77 vjeç.
Fertiliteti global tani për tani është 2.3, por vlerësohet se do të ulet në 2.1 në vitin 2050.
Sot personat mbi 65 vjeç përfaqësojnë rreth 10% të popullsisë së botës: sipas vlerësimeve, në vitin 2050 do të jenë 16% e totalit, dyfishi i numrit të fëmijëve nën 5 vjeç dhe afërsisht i njëjti numër si nën 12 vjeç. Banorët e vendeve të pasura do të rrisin popullsinë kryesisht falë emigracionit.
