Që prej nisjes së luftës në Ukrainë shumë teori dolën në qarkullim, duke hedhur dyshime se Vladimir Putin ishte i sëmurë dhe vuante nga probleme të ndryshme.
Teksa të gjitha duket se mbetën në fazën e supozimeve, duket se një video e publikuar së fundmi, i ka hedhur sërish zjarr këtij diskutimi.
Presidenti rus zhvilloi para disa ditësh vizitën e tij të parë zyrtare në një vend të huaj.
Ai shkoi në Tehran, ku zhvilloi takime të shumta me zyrtarë të këtij vendi. Në këto takime britanikja “The Sun” ka analizuar gjuhën e trupit të liderit rus, duke arritur në përfundimin se ai nuk është në gjendjen e tij më të mirë.
Pamjet e mbërritjes së liderit rus e treguan atë duke lëvizur poshtë shkallëve të avionit ndërsa zbarkoi në Teheran për t’u takuar me shokun e tij, mjeshtrin e terrorit global, Ayatollah Ali Khamenei”, shkruan media prestigjoze.
Ai në një moment bëri me dorë nga njerëzit e mbledhur përpara se të futej në autokolonën e tij presidenciale për të vazhduar rrugën për në qytet. Ajo që bie në sy është që ai shfaqet me krahun e tij të djathtë që varet në mënyrë të pakontrollouar, ndërsa duket edhe sikur çalon teksa ecën pas zbritjes nga avioni presidencial.
