Tani është zyrtare: Paulo Dybala është një lojtar i ri i Romës. Sulmuesi argjentinas u njoftua nga klubi verdhekuq pas nënshkrimit të kontratës trevjeçare me opsion për një sezon tjetër.
28-vjeçari argjentinas mbërrin tek klubi kryeqytetas pasi kaloi 7 sezonet e fundit në Juventus. Futbollisti ka nënshkruar një kontratë që e lidh atë me klubin deri më 30 qershor 2025.
“Ditët që më çuan në këtë nënshkrim ishin një kombinim i shumë emocioneve: vendosmëria dhe shpejtësia me të cilën Roma tregoi se donte që unë të bëhesha pjes e tyre ”, tha Dybala . “Po i bashkohem një ekipi në rritje, me një klub që vazhdon të vendosë themele gjithnjë e më të forta për të ardhmen dhe një trajner, José Mourinho, me të cilin është një privilegj të punosh. Si kundërshtar e admirova atmosferën e krijuar nga tifozët verdhekuq, mezi pres t’i përshëndes me fanellën e Romës”.
Dybala mbërriti në Itali në vitin 2012 te Palermo. Në vitin 2015 kaloi te Juventusi, klub me të cilin fitoi 5 herë kampionatin italian. Me 98 gola, Dybala është golashënuesi i gjashtë më i mirë argjentinas në historinë e Serie A.
“Pjesëmarrja e Dybala në projektin tonë dëshmon për besueshmërinë e Klubit dhe mirësinë e punës që po kryejmë të gjithë së bashku”, komentoi drejtori i përgjithshëm sportiv, Pinto . “Paulo është një futbollist i klasit botëror, ai ka fituar tituj dhe ka marrë njohje ndërkombëtare. Ai do të sjellë klasin e tij në Romë dhe jam i sigurt se me të do të jemi më të fortë dhe më konkurrues”.
