Titujt kryesorë të mediave sportive në ditën e sotme kryesisht janë fokusuar tek ndodhitë që kanë ndodhur në vendet e tyre. Gazetat italiane shkruajnë për transferimin e Bremer nga ekipi i Juventusit, spanjollet shkruajnë për humbjen e ekipit kombëtar të femrave, katalanaset për intervistën e fundit të Lewandowskit ,etj.
Më poshtë ndjekim disa prej titujve kryesorë:
“Juve e ekzagjeroi” është titulli i ”La Gazzeta dello Sport”. Tashmë Juventus zyrtarizon dhe blerjen e yllit brazilian Bremer, dhe vazhdon të krijojë një skuadër të pandalshme.
“AS” hapet me titullin “Krenarë”, duke mbështetur moralisht ekipin spanjoll kombëtar të femrave pas eleminimit në çerekfinalen e pare të europianit, ku humbën 2-1 ndaj Anglisë në kohën shtesë.
“Unë jam këtu për të fituar” është titulli i katalanases “Mundo Deportivo”. Këto ishin fjalët e Lewandowskit në intervistën e fundit për klubin e Barçës.
“Tuttosport” ka shkruar “Besoni Juve, Bremer edhe më mire se De Ligt”. Tashmë në Torino e dinë mire se çfarë transferimi kanë mbyllur, dhe për këtë duken shumë optimista.
“Juventus, në klas të lart” ka shkruar “Corriere dello Sport”. Edhe kjo gazetë e ka fokusin tek transferimi i Bremer.
“L’Esportiu” ka shkruar “Unë gjithmon dua të shënoj dhe të fitoj”, duke vënë në focus fjalët e Lewandowskit.
Nga ana tjetër francezja “L’Equipe” fokusohet tek kampionati i ‘Tour de France’ dhe hapet me titullin “Për krenari”. Çiklisti Pogacar fiton Stage 17 dhe hedh një hap më afër titullit.
