Në ditën e sotme, mediat sportive e kanë zhmangur paksa titujt në lidhje me merkaton verore, dhe e kanë drejtuar fokusin tek super ndeshja e ardhshme. Më datë 24 Korrik, ditën e dielë, ora 5:00 e mëngjesit, do të luhet një nga ndeshjet më të ndjekura në planet, mes dy rivalëve të përjetshem, Real Madrid dhe Barcelona, të cilat do të përballen në një ndeshje miqësore në Las Vegas. Edhe pse ndeshja quhet miqësore, tensioni është gjithmonë i pranishëm mes këtyre dy skuadrave.
Më poshtë ndjekim titujt kryesorë të mediave sportive:
“Po, është një Juve për Champions” është titulli i “Tuttosport”. Këto ishin fjalët e Bonuccit në një intervistë, së fundmi. Qendërmbrojtësi Italian duket tepër optimist.
Prestigjozja “Marca” e ka hapur ditën me titullin “El Clasico në Las Vegas”, gjithcka në lidhje me klasiken që do të luhet ditën e nesërme.
“Bëni lojë!” ka shkruar gazeta madrilene “AS”. E gjithë bota pret një lojë të bukur mes dy rivalëve dhe jo thjesht një miqësore.
“La Gazzeta dello Sport” shkruan “Bonucci: Gati për të fituar gjithçka”.
“Negociata për Inigo Martinez” është titulli i katalanases “Sport”. Barça ka hedhur syt nga qendërmbrojtësi 31-vjeçar i Athletic Bilbao, pasi duket se transferimi i Kounde është larg.
“Mundo Deportivo” ka shkruar “Klasike në Las Vegas”. Lewandowski do të debutojë sot si Blaugrana kundër një rivali që historikisht ka qenë shumë i mirë.
“Capello:Dybala ia vlen Champions League. Me të Roma mund të bëjë hapin përpara” është titulli i “Corriere dello Sport”. Kështu u shpreh tekniku Italian Capello në një intervistë, së fundmi.
