Çelja e negociatave, Varhelyi: BE-së i është kthyer vullneti për zgjerim

113 563 lexime

124,178FansaPëlqeje

Komisionari Evropian për Fqinjësinë dhe Politikat e Zgjerimit, Oliver Varhelyi është shprehur se vullneti për zgjerimin e Bashkimit Evropian është kthyer. Varhelyi u shpreh se Shqipëria dhe Maqedonia e Veriut ka treguar soliadritet dhe pjekuri.

Komentet erdhën pasi udhëheqësit e BE-së në qershor i dhanë statusin e kandidatit Ukrainës dhe Moldavisë si një sinjal solidariteti në përgjigje të agresionit rus dhe shtetet anëtare në korrik ndezën dritën jeshile për fillimin e bisedimeve të anëtarësimit të vonuara me Shqipërinë e Maqedoninë e Veriut.

Lufta ndërmjet Rusisë dhe Ukrainës e kthjelloi debatin për procesin e zgjerimit të BE-së dhe tregoi nevojën për përshpejtimin e procedurave, të cilat në thelb u ndaluan nga Komisioni i mëparshëm, tha Varhelyi në një intervistë për portalin e Brukselit Euractiv.

“Ne evropianët tani jo vetëm e kuptojmë, por jemi edhe të gatshëm ta përmbushim atë, Evropa nuk do të gëzojë siguri, stabilitet dhe prosperitet pa integrimin e plotë të Ballkanit Perëndimor”, tha ai.

Sipas tij, vitet e fundit ka pasur pak dëshirë për zgjerim brenda BE-së dhe disa shtete anëtare kanë kërkuar reforma të BE-së para pranimit të anëtarëve të rinj.

Ai tha se tani ekziston një vullnet i qartë politik që nuk ka qenë gjithmonë i dukshëm.

“Ndoshta është ndikimi i vetëm pozitiv i luftës së Rusisë në Ukrainë, sepse e kthjelloi diskutimin rreth zgjerimit si dhe kapacitetin absorbues të BE-së,” tha Varhelyi.

“Ajo që unë pres tani, dhe ajo që do të jetë një përgjegjësi e madhe për Komisionin Evropian, është se tani ekziston një vullnet i qartë politik, i cili nuk ishte gjithmonë i dukshëm.”

Të fundit

KQZ publikon listën paraprake e zgjedhësve nga jashtë,ja si mund të verifikoni emrin tuaj

Vetëm ata zgjedhës nga jashtë, të cilëve u është pranuar kërkesa për t’u regjistruar nëpërmjet PER, janë në përbërje...

Media amerikane citon Linda Ramën: Ja çfarë mund të mësojë bota nga rënia e komunizmit

“Linda Rama, 60 vjeç, mund të njihet në skenën botërore si gruaja e kryeministrit shqiptar Edi Rama, por dekadat e punës së saj advokuese...

Shpallet i humbur në Ksamil 49-vjeçari nga Tirana, familjarët kanë humbur kontaktet

Një 49-vjeçar nga Tirana, Naim Likometi, është shpallur i humbur që prej mëngjesit të djeshëm në Ksamil. Familjarët e tij janë në ankth dhe...

Tabaku: Modeli ekonomik i qeverisë ndihmon pakicën dhe dëmton shumicën

Ajo e ka denoncuar sistemin fiskal të Shqipërisë si më të rëndin në rajon, duke e cilësuar si një strukturë që favorizon një pakicë...

Zjarr i qëllimshëm në Dardhas të Korçës, aktivizohen dy vatra

Dy vatra të qëllimshme zjarri janë aktivizuar mbrëmjen e të shtunës në njësinë Dardhas midis fshatrave Grunjas dhe Prenisht. Vatrat e zjarrit kishin përfshirë...

Lajme të tjera

Web TV