Dy grupe adoleshentësh janë përfshirë në një incident i cili ka degjeneruar në përleshje të dhunshme mes tyre. Ngjarja ka ndodhur në qendër të Elbasanit.
Mbeten të paqarta rrethanat, ndërsa dyshohet se të paktën 13 adoleshentë janë përfshirë në skena të dhunshme. Më pas njëri nga grupet ka marrë forcërisht një prej të rinjve dhe janë larguar me makinë.
Policia është sinjalizuar nga qytetarët për ngjarjen, ndërkohë që ende nuk ka një denoncim. Megjithatë policia menjëherë ka shkuar në vendngjarje dhe ka filluar hetimet për zbardhjen e incidenteve dhe identifikimin e autorëve të përfshirë në skenat e dhunshme.
