Strategjia verore e Joan Laporta e ka bërë Barcelonën të tërheq vëmendje në merkaton e transferimeve dhe jo vetëm në Spanjë, por në të gjithë europën janë duke e parë këtë situatë me befasi.
Ata kanë rrëmbyer lojtarin më të mirë nga Bayern Munich, kanë marrë Jules Kounde, një nga xhevahiret e tregut gjithashtu morën Raphinhan i cili kishte shumë kërkues. Me nënshkrimin e Kounde, Laporta ka thyer rekordin e tij. Asnjëherë më parë ai nuk ka investuar kaq shumë para në nënshkrime në të njëjtin sezon.
Deri tani janë 143 milionë euro dhe nuk dëshiron të ndalet me kaq. Mesazhi nga klubi është se ka ende disa operacione për t’u mbyllur: një mbrojtës i djathtë dhe një mbrojtës i majtë.
Nëse secila prej këtyre lëvizjeve kryhet, Laporta do të barazonte dy dritaret e tij më të ngarkuara me shtatë nënshkrime. Ishin në sezonin 2004/05, kur ai kreu revolucionin që tani po përpiqet të përsërisë, në të cilin klubi pothuajse lëvizi më shumë në dimër sesa në verë.
Kjo është për sa i përket numrit të shtesave. Nëse flasim për shpenzime, duket e vështirë për klubin t’i afrohet rekordit të vendosur në atë kohë nga Josep Maria Bartomeu.
Mbetet të shihet se cila është fatura përfundimtare këtë verë për katalanasit, por ata nuk do të arrijnë 300 milionë eurot e 2019/2020 apo 380 milionë eurot e 2017/18. Do të shohim se si do të dalë e gjithë kjo dhe çfarë pasojash do të ketë për klubin në planin afatmesëm.
Për momentin, gjëja më urgjente është që të mund të regjistrohen lojtarët. Ka ende shumë punë për të bërë që Barcelona ta bëjë një merkato të suksesshme.
