Në ditën e sotme është larguar krejtësush fokusi nga merkato verore. Secila media botërore ka shkruar kryesisht për ngjarjet e fundit në vendin e tyre, që lidhen kryesisht me skuadrat vendase apo sportistët.
Më poshtë ndjekim disa nga titujt kryesorë të mediave sportive:
“La Gazzetta dello Sport” e hap ditën me titullin kryesor kushtuar kuqezinjve, kampionëve të Italisë që nuk i tremben askujt: “Milani sheh një sfidë”. Kampionët e Italisë nuk kanë frikë nga rivalët që po forcohen dhe duan të pranojnë sfidën. Për ta bërë këtë ka mbërritur Charles De Ketelaere, i cili sot kryen ekzaminimet mjekësore dhe firmos kontratën.
“Atje është De Ketelaere, Milani që feston” është titulli i “Corriere dello Sport”. Pas një negocimi të gjatë dhe rraskapitës, sot më në fund talenti i ri belg do t’i nënshtrohet ekzaminimeve mjekësore në mëngjes dhe do të nënshkruajë kontratën që do ta lidh atë me klubin kuqezi.
Gazeta madrilene “AS” ka shkruar “Devijimi”. Alonso, piloti i F1, nënshkruan për Aston Martin kur rinovimi për Alpine dukej i mbyllur.
“I çmendur për Barçën” është titulli i katalanases “Mundo Deportivo”, me Koundé që tregon në prezantimin e tij përkushtimin e vendosur ndaj suksesit për Blaugranët: Dua të arrij majat.
Prestigjozja “Marca” gjithashtu e ka kthyer fokusi tek lëvizja e befasishme e Fernando Alonsos drejt Aston Martin “Devijimi i Alonsos”.
“Jam këtu për Xavin”, këto ishin fjalët e Kounde gjatë prezantimit tek katalanasit, fjalë të cilat janë dhe si titull kryesor i “Sport”.
Torinezja “Tuttosport” si zakonisht fokusohet tek klubi i bardhezinjve dhe vendos si titull “Juve, menjëherë një!”. Pogba e mban goditjen në mesfushë në pezullim, kështu që drejtuesit e Juventusit përshpejtojnë për sulmuesin: pista e Moratas bëhet e ndërlikuar, kandidatët e tjerë ngrihen.
“Këtu është Fabregas, CR7 i Seria B” ka shkruar “Quotidiano Sportivo”. Ish-kampioni i botës zbarkon në Como.
