Pak ditë më parë një gropë gjigante u hap në Kili, pranë qytetit Tierra Amarilla, në rajonin Atacama, në minierën e bakrit Minera Ojos del Salado. Sipas asaj që u raportua nga Shërbimi Kombëtar Kilian i Gjeologjisë dhe Minierave (Sernageomin), është rreth 200 metra e thellë dhe rreth 30 e gjerë.
Hapja e kësaj grope, e cila preku një pronë bujqësore, fatmirësisht nuk shkaktoi dëme në njerëz apo struktura, por padyshim që krijoi shqetësim tek ata që jetojnë në afërsi të minierës. Frika është se një ngjarje e tillë mund të ndikojë në të ardhmen në banesat apo shkollat aty pranë.
Aparece enorme socavón de 25 metros de diámetro en Atacama
El orificio apareció el sábado en la comuna de Tierra Amarilla, Región de Atacama, en terrenos de la operación minera subterránea de cobre Alcaparrosa de Candelaria.
Qué te parece? Te leemos! pic.twitter.com/5r67dNTEsi
— Ladera Sur
(@ladera_sur) August 1, 2022
Këto gropa mund të formohen për arsye të ndryshme, por zakonisht krijohen nga shembja e tavanit të një sistemi të shpellave nëntokësore. Shpesh kjo ndodh natyrshëm për shkak të shiut acid që gërryen materialin nga çatia e shkëmbit, duke shkaktuar rrëzimin e tavanit. Disa banorë të komunës së Tierra Amarilla dyshojnë se operacionet lokale të minierave mund të kenë luajtur një rol në shembje, por kjo gjë ende nuk është vërtetuar.
Kompania që mban pjesën më të madhe të pronësisë së minierës, Canadian Lundin Mining, zgjodhi mos të komentojë incidentin, madje as nuk dha hipoteza për shkaqet e mundshme, duke u kufizuar në specifikimin se po merreshin masa paraprake dhe se gjithçka është nën kontroll.
