Është kthyer te goli pas plot 16 vitesh me klubin e tij të parë. Luis Suarez ka lënë shenjën e tij në fitoren 3-0 të marrë nga Nacional kundër Rentistas.
Uruguaiani, i cili mbeti pa ekip pas skadencës së kontratës me Atletico Madrid, është kthyer në atdhe pas shëtitjes së bërë nëpër Europë me Groningen, Ajax, Liverpool, Barcellona dhe Atletico Madrid.
Pistolero e ka shënuar golin e tij në minutën e 58-të me një goditje të mrekullueshme me kokë që ka mposhtur portierin kundërshtar gjatë zhvillimit të një goditje këndi.
E vetmja njollë në mbrëmjen e Montevideos për numrin 9 të Nacional ka qenë gabimi nga pika e bardhë në minutën e 84-t.
Megjithatë, ka qenë merita e portierit Lucas Machado i cili e ka neutralizuar penalltinë dhe i ka mohuar dygolëshin Suarez-it, i cili mund të gëzohet gjithsesi pas debutimit jo shumë të mirë kundër Atletico Goianense në çerekfinalet e Copa Sudamericana.
Luis Suarez scored his first goal since returning to boyhood club Nacional during their 3-0 defeat of Rentistas earlier this evening. pic.twitter.com/jRkEQCjbnl
— Keifer MacDonald (@KeiferMacd) August 6, 2022
