Rasenball Sport Leipzig e ka transferuar zyrtarisht Benjamin Seskon nga klubi simotra, Red Bull Salzburg.
Sulmuesi do të jetë i huazuar te skuadra austriake deri në vitin 2023, derisa në verën e vitit të ardhshme do të kalojë në Bundesligë, në një kontratë deri në vitin 2028.
“RB Leipzig ka nënshkruar me ndërkombëtarin slloven Benjamin Šeško dhe do të forcohet me një xhevahir absolut. 19-vjeçari do të kalojë nga FC Red Bull Salzburg në Leipzig më 1 korrik 2023 dhe do të ketë një kontratë pesëvjeçare deri në vitin 2028. Në sezonin 2022/23, sulmuesi në përputhje me rrethanat do të vazhdojë të shënojë gola për kampionët austriak”, thuhet në komunikatën e RB Leipzig.
“I stërvitur në NK Krško dhe NK Domžale në Slloveni, sulmuesi 1.95 metra i gjatë kaloi në FC Red Bull Salzburg në vitin 2019, ku fillimisht u shfaq si huazim për FC Liefering dhe u përdor në divizionin e dytë”.
“Benjamin Šeško fitoi dopietën me Salzburgun dhe ishte golashënuesi më i mirë në Kupën ÖFB, kompeticionin e kupës së Austrisë, me pesë gola në pesë ndeshje”, thuhet më tej në komunikatë.
Chelsea, Manchester United dhe Real Madridit, ishin të gjithë të interesuar, por Leipzig e mori atë nga klubi simotra.
#RBLeipzig verpflichtet Sturmjuwel Benjamin Šeško zum 01. Juli 2023 ✍️💎
Der slowenische Nationalspieler erhält einen Fünfjahresvertrag bis 2028.
Alle Informationen zum Transfer ⤵️
— RB Leipzig (@RBLeipzig) August 9, 2022
