Jo pak herë emra shqiptarësh kanë bërë “jehonë” në fushën e modës, përetj kufijve. Këtë herë ka qenë Amber Kotrri që ka rrëmbyer vëmendjen.
Shqiptarja është pronarja e një butiku të vogël, të quajtur “House of Zana” në Darlington, në Mbretërinë e Bashkuar, të cilin gjiganti i modës “Zara” e ka akuzuar për kopjim. Mirëpo, pas një beteje të gjatë ligjore, Kotorri ka shkruar se është më e lumtura në botë që arriti ta fitonte.
ZARA pretendoi se klientët do të ngatërronin emrin e firmës së tyre me “House of Zana”, ndaj ata ngritën padi për ta mbyllur biznesin me këtë emër. Ata besonin se ekziston rreziku se “konsumatorët mund të lexojnë gabimisht, të dëgjojnë gabimisht, të shqiptojnë gabimisht dhe/ose ta perceptojnë ndryshe House of Zana si ZARA” dhe se emri i markës “zbeh veçorinë dhe reputacionin e markës ZARA”. Ata kërkuan që të hiqen të gjitha markat dhe të ndryshohet emri “House of Zana”, diçka për të cilën është punuar prej vitesh nga vetë shqiptarja Amber Kotrri.
Por gjykatësit vendosën se lidhja ishte shumë e parëndësishme dhe nuk kishte kopjim. Mamaja e tre fëmijëve, zonja Kotrri thotë se marrëveshja me avokatët i ka kushtuar kohë të humbur me fëmijët e saj. Ajo tha se gjykimi ishte një peshë e rëndë e hequr nga supet.
“Nuk mund t’u thosha fëmijëve të mi se e mbylla biznesin tim sepse më tha dikush më i fuqishëm se unë”, ka thënë Kotrri, duke dëshmuar edhe një herë se po, shqiptarët e talentuar, punëtorë dhe ambiciozë, mund t’ia dalin kudo.
