Gjykata e Vlorës dha masën e sigurisë në burg për komisari i policisë Arjan Tase që aksidentoi për vdekje 7-vjeçaren Jonada Avdia.
Ndaj tij Prokuroria ngriti akuzën e “vrasjes me dashje”.
Prokuroria e Vlorës ka hedhur poshtë akuzën e ngritur nga Agjencia e Mbikqyrjes Policore ndaj ish-efektivit Arian Tase dhe nuk kanë pranuar akuzën e vrasjes nga pakujdesia, por kanë kërkuar “Vrasje e kryer në formën e dashjes indirekte”, teksa rrezikon 10 deri në 20 vite burg.
Pas këtij vendimi të afërmit e vogëlushes do të hartojnë një dosje të re për ngjarjen e Potamit të cilët do ta depozitojnë në ambasadën britanike.
Të afërmit dhe dëshmitarët kanë rrëfyer se kanë të dhëna dhe prova, të cilat nuk janë marrë në vendin e ngjarjes nga ana e policisë shqiptare dhe këto do t’i depozitojnë në ambasadën britanike për të zbardhur tragjedinë. Duket se familjarët nuk do e lënë me kaq. Ata nuk kanë besim te drejtësia shqiptare dhe do ta ndjekin çështjen përmes organizmave ndërkombëtare.
