Ndjekim disa nga titujt kryesorë të ditës së sotme:
“La Gazzetta dello Sport” hapet me Interin dhe Juventusin “Të gjitha dyert të hapura”. Inzaghi në ankth sepse PSG nuk heq dorë nga Skriniar kurse tek Juve kërkojnë Depay-n.
“Marcos Alonso OK” është titulli i katalanases “Sport”. Barça ka arritur marrëveshje me lojtarin për tre sezone dhe nënshkrimi është gati.
“Corriere dello Sport” ka shkruar për bardhezinjtë “Juve humbet disa copa”, Szczesny është i dëmtuari i radhës pas Pogba: 20 ditë.
“Max, Kostiç është aty për ty”, është titulli i torinezes “Tuttosport”. Juve ofron 15 milionë, sot mbyllet transferimi. Anësori shumë i kërkuar nga Allegri mund të luajë tashmë të hënën kundër Sassuolos.
Prestigjozja “Marca” fokusohet tek madrilenët e Realit të cilët luajnë nesër në finale e Superkupës së Europës: “Bëhe sërish, Vini”. Goli i tij kundër Liverpoolit në finalen e Ligës së Kampionëve i ka dhënë brazilianit një status të ri sportiv dhe komercial, tashmë sytë janë kthyer nga braziliani.
Në Francë, “L’Equipe” ia dedikon kopertinën Alexis Sanchez-it, të afërt për të luajtur në Ligue 1. “Sanchez ka shkurtuar pagën për OM”. Sulmuesi kilian (33), i liruar nga kontrata me Interin, pritet të zyrtarizohet në Marseille. Forcim i përvojës dhe i karakterit për skuadrën e Igor Tudor”.
“100 tituj, sfida e re” është titulli i “AS”. Real Madrid ka mundësinë që të nisë një sezon në të cilin mund të fillojë procesi i arritjes së 100 titujve. Për momentin janë 97, një më shumë se Barcelona dhe të mërkurën mund të jenë 98 me Superkupën e Europës. 
