Çfarë i premtoi trajneri Tuchel sulmuesit shqiptar Broja, që e bindi të qëndrojë

113 563 lexime

124,178FansaPëlqeje

Tomas Tuchel i ka dhënë garanci Armando Brojës se ai do të ketë minuta këtë sezon në “Stamford Bridge” në rast se qëndron me Chelean. Sipas “Football.London”, trajneri gjerman i ka premtuar sulmuesit 20-vjeçar se atij do t’i jepet një shans për t’u bërë pjesë e formacionit të Çelsit këtë vit.

I njëjti burim lajmi konfirmon se talenti i kombëtares shqiptare nuk do të largohet. Broja, produkt i akademisë së bluve të Londrës, bëri të flitet shumë për të pas sezonit pozitiv i huazuar te Sauthemptoni.

Tuchel e aktivizoi edhe në 15 minutat e fundit në javën e parë të Premier Ligës të shtunën në fitoren 1-0 kundër Evertonit. Londinezët shpresojnë që Broja të jetë motivuar për të qëndruar dhe luftuar në “Stamford Bridge” pas bisedës me teknikun që i ka shpjeguar planin e tij për këtë sezon.

Pas largimit të Timo Wernerit drejt Leipzig dhe Lukakut drejt Interit më herët, shanset për hapësira në sulmin e Chelseas janë shtuar.

Broja nuk pritet të jetë një titullar në javët e para të këtij sezoni, por ai është paralajmëruar që të jetë gati për të marrë përgjegjësi në sulmin e Chelseas kur t’i besohen minuta.

Dhe energjia që tregoi pasi hyri në fushë kundër Evertonit është diçka që Tuchel mendon se skuadra e tij ka nevojë. Sulmuesi krijon hapësira dhe është shumë i vlefshëm me depërtimet e tij në krah, pavarësisht se ai nuk është sulmuesi 9 tipik për të cilin Chelsea ka nevojë në këto momente.

Por, klubi ka besim te potenciali i tij dhe e do në skuadër këtë sezon, ndonëse shumë prej klubeve të Premier Ligës janë të interesuar për shërbimet e tij. Evertoni, një nga klubet e interesuara duket se nuk do të heqë dorë kollaj.

Lexo edhe :  “Vdekje për shqiptarët”, thirrjet raciste në ndeshjen e basketbollit në RMV

Mediat angleze raportonin një ditë më parë se pasi “Toffees” siguruan shërbimet e mbrojtësit të Wolves-it Kodi të hënën dhe mesfushorit belg Amadu Onana dje (33 mln paund), për sulmin objektivi është Broja dhe bisedimet me klubin londinez vazhdojnë.

Të fundit

Portieri më i mirë i vitit, publikohen nominimet e trofeut Yashin 2025

Gianluigi Donnarumma është favoriti kryesor për të fituar Trofeun Yashin 2025, çmimin që i jepet portierit më të mirë të...

Ter Stegen vijon “luftën” me Barçën, nuk nënshkruan asnjë raport mjekësor

Marc-Andre ter Stegen vazhdon t’i rezistojë me vendosmëri presionit nga Barcelona dhe refuzon të nënshkruajë raportin mjekësor që klubi po i dërgon La Ligës për...

Son prezantohet tek Los Angeles: “Nuk ishte zgjedhja ime e parë, më mbaruan energjitë”

Pas dhjetë vitesh te Tottenham, Son Heung-min mbërrin në MLS dhe tashmë po i jep flakë Los Angelesit. Sulmuesi korean është prezantuar zyrtarisht si lojtar i ri për...

Kush po e sulmon prodhimin vendas?

Nga Leonard Veizi Duket sikur jetojmë brenda një rrethi vicioz nga i cili nuk po gjejmë dot rrugë shpëtimi. Një mjegull mosbesimi, frike dhe përçmimi...

Ecuria e transportit ajror, TIA kalon për herë të parë 51 mijë pasagjerë në një ditë

Transporti ajror në Shqipëri po përjeton një rritje të qëndrueshme, si në numrin e fluturimeve, ashtu edhe të pasagjerëve. Sipas INSTAT, gjatë tremujorit të dytë...

Lajme të tjera

Web TV