Eventi kryesor i futbollit për ditën e sotme është Superkupa e Europës, e cila do të luhet mes Real Madrid( fituesit të Champions) dhe Eintracht Frankfurt( fituesit të Europa League). Favoriti kryesor sigurisht që është Reali, i cili synon të fitojë trofeun numër 98.
Ndjekim disa nga titujt kryesorë të ditës së sotme:
“Super favorite”, me këtë titull hapet gazeta madrilene “AS”. Real Madridi është në kërkim të Superkupës së pestë europiane kundër Eintracht. Ancelotti do të luajë në Helsinki të njëjtët njëmbëdhjetë lojtarë që fituan Ligën e Kampionëve.
Në Britaninë e Madhe, “Mirror Sport” nxjerr në pah kthesën kundër Arnautovic të Bolonjës, “ A nuk duhet të jeni ju shefi?”. Rikthimi i tifozëve detyron United të braktisë lëvizjen për Arnautovic.
“La Gazzetta dello Sport” hapet me bardhezinjtë: “ Çifti i zonjës ”. Kostic zbarkon sot, Depay një hap larg. Serbi tashmë do të jetë në fushë me Sassuolo.
“JO, nga Mou” ka shkruar “Corriere dello Sport”. Takimi Rome-Tottenham do të zhvillohet të enjten, por Mourinho ka folur me Zaniolon dhe dëshirën për ta mbajtur atë në Romë.
Katalanasja “Sport” ka shkruar “Operacioni i Regjistrimit”. Barça aktivizon levën e katërt për të gjeneruar “fair-play”. Ata gjithashtu po përshpejtojnë largimet e Umtiti, Braithwaite dhe Memphis.
“Të lartësuar” është titulli i prestigjozes “Marca”. Mbretërit e Europës janë në kërkim të të parit nga gjashtë titujt për të cilët do të luftojnë këtë sezon.
Edhe “Tuttosport” në kopertinën e gazetës është hapur me Juven: “ Kostiç, fluturo dhe asisto”. Sot serbi vjen në Torino për vizitat dhe nënshkrimin.
Në Francë, “L’Equipe” ia kushton kopertinën Serena Williams, tenistes femër më të mire të të gjitha kohërave, e cila do të pensionohet në shtator.
