Presidenti, Bajram Begaj, do të vizitojë Kosovën të hënën me 15 gusht, e para vizitë e tij jashtë vendit që prej kur mori detyrën në 24 korrik.
Lajmi është bërë me dije nga zyra e shtypit të Kuvendit të Kosovës. Në njoftim thuhet se të hënën, Begaj do të zhvillojë takim me kryetarin e Kuvendit, Glauk Konjufca.
“Agjenda e kryetarit Glauk Konjufca, për të hënën, 15 gusht 2022. Kryetari i Kuvendit të Republikës së Kosovës, Glauk Konjufca, pret në takim presidentin e Republikës së Shqipërisë, Bajram Begaj. Media do të lejohen të marrin vetëm pamje në fillim të takimit,”- thuhet në njoftim.
Ish-gjeneralmajori ishte propozim i Partisë Socialiste dhe mori besimin e shumicës së deputetëve në Kuvend për të qenë Presidenti i ri i Republikës së Shqipërisë së seancën parlamentare të 4 qershorit 2022 me 78 vota pro, 4 kundër dhe 1 abstenim.
