Komuna e Prishtinës ka ndaluar përdorimin e biçikletave elektrike nëpër sheshet dhe hapërsirat publike të kryeqytetit.
Në pikën një të urdhëresës së publikuar në Facebook nga kryetari i Prishtinës, Përparim Rama, thuhet se “Ndalohet qarkullimi i trotinetëve elektrik, biçikletave elektrike dhe motoçikletave apo mopedëve elektrik”.
Në postimin e tij në Facebook thuhet se ndalimi bëhet në hapësirat ku ka frekuencë të lartë të këmbësorëve.
Në njoftimin e kryetarit të Prishtinës thuhet se vendimi hyn në fuqi nga e hëna e 15 gushtit.
“Kjo urdhëresë do të hyjë në fuqi prej të hënës, më 15 gusht 2022, deri në votimin dhe publikimin e rregullores në të cilën jemi duke punuar për të siguruar mbarëvajtjen e qarkullimit të këtyre mjeteve sa i përket sigurisë së qytetarëve të Prishtinës”, ka shkruar ai.
Shtrenjtimi i naftës dhe benzinës thuhet se i ka detyruar shumë qytetarë në Prishtinë që të kërkojnë alternativa si skuterat e biçikletat.
