Presidenti i Ukrainës, Volodymyr Zelensky, ka thënë se lufta në vendin e tij mund të përfundojë vetëm me diplomaci, edhe pse negociatat me shtetin rus ka javë që janë pezulluar. Pas më shumë se 5 muajsh luftë, Zelensky ka thënë se ushtria e tij nuk do të dorëzohet.
Por, kërcënimet vazhdojnë! Ministria ruse e Mbrojtjes ka nënshkruar një kontratë për prodhimin e raketave ICBM Sarmat. Njoftimi u bë gjatë forumit të Ushtrisë 2022.
Presidenti rus Vladimir Putin njoftoi në qershor se Sarmats do të jetë aktiv në Rusi deri në fund të vitit dhe se ato do t’i japin Rusisë garanci sigurie “kundër kërcënimeve aktuale”.
Po ashtu, Putin shtoi se me këto raketa njerëzit do të mendohen mirë se “kë po kërcënojnë.”
