Shkalla Mercalli, që e ka marrë emrin nga sizmologu italian me të njëjtin emër, klasifikon intensitetin e një tërmeti bazuar në efektet e tij të dukshme në ndërtesa. Vetëm duke filluar nga shkalla e katërt lëkundjet ndjehen nga shumica e njerëzve dhe ka dëmtime të lehta në godina, ndërsa me shkallën e shtatë, dëmtimet e objekteve bëhen serioze. Shkalla maksimale, e 12-ta, parashikon shkatërrimin total të çdo vepre njerëzore.
SHKOLLA AMERIKANE
Shkalla e krijuar nga sizmologu amerikan Richter, e cila klasifikon të ashtuquajturën magnitudë të një tërmeti, synon në vend të kësaj të ofrojë një vlerësim më objektiv dhe të bëjë të mundur që të mësohet sasia e energjisë së çliruar nga goditja e saj. Përftohet duke matur amplitudën e lëkundjeve të tokës të regjistruara nga sizmografët. Ai ka si pikënisje, shkallën zero, tërmetin që prodhon një sizmogram me amplitudë maksimale të barabartë me një të mijtën e milimetrit, të regjistruar nga një sizmograf që ndodhet 100 kilometra larg nga epiqendra.
Energjia e çliruar rritet me madhësinë në rritje: një njësi më shumë në shkallë do të thotë një energji tridhjetë herë më e madhe dhe korrespondon me një amplitudë lëkundjeje dhjetë herë më të madhe.
Burimi: Focus.it
