Gazetari Roberto Saviano ka raportuar një tjetër ngjarje tronditëse së fundmi. Italiani ka publikuar pamjet ekskluzive të një emigranti nga Togo, i cili mrekullisht shpëton një foshnje 4-muajshe nga mbytja.
Thirrjet vijnë nga një dërrasë druri, së cilës Fabrice, një emigrant nga Togo as njëzet vjeç, ngjitet me energjinë e fundit të mbetur; në supe mban një vajzë 4-muajshe. Imagjinoni guximin e Fabrice, i cili u largua nga Libia në shoqërinë e 6 miqve, të gjithë të “gëlltitur” nga dallgët, që fillon të ndihmojë sa më shumë njerëz që mundet, duke i vendosur ata të sigurt mbi disa mbeturina lundruese. Vajza shpëtohet, por nga mbytja e anijes humbën jetën 30 persona, mes tyre 5 gra dhe 8 fëmijë. 71 të mbijetuar, mes tyre edhe nëna e fëmijës.
Varka ishte larguar nga qyteti libian Zawija për t’u kthyer disa orë më vonë, në Mesdheun Qendror. Videoja u xhirua nga Michael Bunel më 27 qershor, reporter i “Brut” në bordin e Geo Barents, varka e Médecins Sans Frontières / MSF.
