Dua Lipa është e preferuara e të gjithëve, sidomos e ne shqiptarëve, që na ka bërë kaq krenarë! Por, që të ishte edhe e preferuara e Mark Zuckerberg, gjigantit të rrjeteve sociale nuk na e kishte marrë mendja.
Së fundmi ylli i muzikës ndau me të gjithë në rrjetet e saj sociale Instagram dhe Facebook disa foto ku dukej mjaft atraktive me një fustan gri dhe krahas fotove shkruante “Vajzë shqiptare në Shqipëri”.
Ky postim nuk ka kaluar pa i rënë në sy “Facebook”, i cili ka lënë një koment poshtë fotos në fjalë.
“Dua Lipa Mbretëresha e Shqipërisë”, shkruan gjigandi i rrjeteve sociale.
Kujtojmë që edhe me parë, Dua Lipa ka tërhequr vëmendjen e Facebook. Në një postim të yllit të popit para Sunny Hill Festival në Kosovë, faqja zyrtare shkruante: Ajo është një 10 dhe ka një veshje të mrekullueshme.
Epo, çfarë ka Dua për të mos u pëlqyer…
