Detaje të reja janë zbardhur në lidhje me vdekjen e një turisti 33-vjeçar në Sarandë. Mësohet se shtetasi italian Domeniko Niccoli ka humbur jetën pak momente pasi shkoi në spital, ndërkohë që ishte me pushime në Ksamil me familjen dhe miqtë.
Në media raportohet se shtetasi italian pasi ka konsumuar shumë alkool është futur në det dhe aty nuk është ndjerë mirë. Ai ka filluar të nxjerrë shkumë nga goja dhe menjëherë është transportuar për në spital, por fatkeqësisht sapo mbërriti atje u shpall i vdekur.
Sipas mjekëve në spitalin e Sarandës shkak për vdekjen e tij ka qenë arresti kardiak. Trupi i tij do te transportohet drejt Tiranës për t’iu nënshtruar një ekspertize mjekësore më të detajuar për të mësuar shkaqet e vdekjes.
