Italia fqinje është alarmuar për shkak të përhapjes së etheve të Nilit, ku deri më tani janë prekur afro 100 persona dhe pothuajse gjysma e tyre janë në gjendje të rënde. Po ashtu 5 persona kanë humbur jetën deri më tani.
Sakaq, gjithnjë e më shumë, i afrohet edhe Shqipërisë!
Një person i cili u infektua nga virusi i Nilit Perëndimor (WNV) i transmetuar nga pickimi i mushkonjave, ka humbur jetën në Serbi.
Në njoftimin nga Agjencia e Shëndetit Publik të Beogradit thuhet se në vend janë hasur 11 raste të rënda të virusit WNV, ndërsa 80 % e atyre që e kanë marrë virusin i kanë mbijetuar sëmundjes me simptoma të lehta dhe 20 % kanë simptoma të ngjashme me infeksionin e gripit si temperaturë e lartë, dhimbje koke, dobësi dhe të vjella.
Virusi i Nilit Perëndimor transmetohet përmes pickimit të mushkonjave dhe zogjve shtegtare. Sa më i madh numri i infeksioneve dhe i mushkonjave në mjedis, aq më e madhe është mundësia e kontaktit me sëmundjen. Virusi i etheve të Nilit shkakton dhimbje të muskujve, temperaturë të lartë, encefalit dhe meningjit, ndërsa mund të çojë deri dhe humbje jete.
Rastet e virusit WNV gjenden kryesisht në Afrikë, Evropë, Lindjen e Mesme, Amerikën e Veriut dhe Azinë Perëndimore.
