Një aksident i rëndë ka ndodhur pasditen e sotme në Vlorë, ku një fëmijë 8-vjeçar është aksidentuar nga një makinë.
Policia ka njoftuar se ngjarja ka ndodhur në plazhin e Orikumit, ku një makinë tip “Fiat”, me drejtues 27-vjeçarin A.M ka përplasur të miturin. 8-vjeçari është dërguar në spital, ndërsa ende nuk dihet gjendja e tij. Po ashtu, edhe drejtuesi i mjetit ka përfunduar në spital.
Njoftimi i policisë:
Vlorë/Informacion paraprak
Sot, rreth orës 16:30, në rrugën e plazhit në Orikum, shtetasi A. M., 27 vjeç, duke drejtuar automjetin tip “Fiat”, ka aksidentuar një fëmijë 8 vjeç, i cili ndodhet në spitalin e Vlorës, nën kujdesin e mjekëve. Ndërkohë dhe drejtuesi i mjetit shtetasi A. M, po merr ndihmë mjekësore në Qendrën Shëndetësore Orikum.
Në vendngjarje ndodhet grupi hetimor, i cili po kryen veprimet e mëtejshme në lidhje me sqarimin e rrethanave të aksidentit.
