Drejtori i Policisë së Shtetit Gledis Nano pezulloi nga detyra dy ditë më parë nënkomisaren e Elbasanit Anisa Kostani, pasi fyeu dhe kërcënoi publikisht gazetarët.
Opinioni publik u nda në dy pjesë, ku shumica e kritikuan dhe disa të tjerë mbajtën anën e Kostanit. Në një linjë me këta të fundit ka qenë edhe analisti Dritan Hila.
Nëpërmjet një statusi në Facebook, Hila ka shkruar se popullit ajo i ka bërë përshtypje se është e bukur.
Ai shton se ajo nuk vjen era djersë, është yll e bukur dhe do ishte mirë të gjenim edhe disa police të tjera si ajo.
“AMP pezulloi policen e Elbasanit pasi kishte sharë gazetarët. Dhe populli i rrjetit u ofendua! Çudi! Nuk ofendohen kur shajnë shoku shokun por kjo policja ju ka bërë pershtypje! Ju ka prishur midenë.
Mbase ju ka bërë përshtypje se është e bukur. Se nuk i vjen era djersë dhe nuk ka uniforme të dalë boje. Se nuk rri urtë kur e shajnë. Se nuk është 30 kile mbi peshë dhe se paska dalë në foto para makinave të shtrenjta apo para jahteve, a thua se asnjë prej këtyre që e shajnë nuk ka bërë një foto të tillë.
Policen le ta kontrollojë shërbimi i brendshëm nga i vijnë të ardhurat dhe nëse është në marrëdhënie me persona problematikë me ligjin. Sa për të tjerat le mos ta prishi gjakun policja e Elbasanit. E nëse është në rregull me ligjin, ku ti gjejmë edhe ca si ajo. Ishte yll e bukur”, shkruan Hila.
