Presidenti francez Emmanuel Macron, ka paralajmëruar ditën e sotme qytetarët francezë për krizat e fundit. Ai u shpreh se e gjithë botë e ka parë luftën në Ukrainë dhe pasojat që kjo luftë ka sjellë.
Në një kohë të tillë ai thotë se, bashkatdhetarët mund të reagojnë me shumë shqetësim dhe të tregohen më të kujdesshëm.
Duke iu drejtuar takimit të parë të kabinetit që pas pushimit të verës, Macron tha se bota u përball me fundin e një bollëku të mallrave dhe burimeve dhe “të njëfarë shkujdesjeje”.
“Liria ka një kosto”, tha Macron, duke u kërkuar ministrave të tij që të jenë ambiciozë dhe qytetarët francezë të pranonin masat e reja. “Betejat që duhet të luftojmë … do të fitohen vetëm përmes përpjekjeve tona”, shtoi ai.
Në javët në vijim, qeveria e tij do të duhet të vendosë nëse do të rinovojë kufijtë e çmimeve të energjisë elektrike dhe gazit të cilave u përfundon afati në fund të vitit dhe të ulin çmimin e karburantit, të cilat së bashku kanë ndihmuar në mbajtjen e inflacionit francez më të ulët krahasuar me shumë vende te tjera evropiane, por që kanë rënduar mbi financat publike.
