Pas sulmit të ushtarëve në Gramsh, disa foto të ruses, Svetlana Timofeeva e arrestuar nga autoritetet shqiptare pasi akuzohet për aktivitet spiunazhi zbulojnë se ka hyrë në bazat ushtarake shqiptare. Svetlana Timofeeva ka publikuar gjithashtu për ndjekësit e saj në rrjete sociale këto zona duke përshkruar detajet e sigurisë së tyre.
33-vjeçarja duket se është e apasionuar pas gjërave të vjetra, këtë e tregojnë fotot e shumta që rusja ka shkrepur në këto zona. Hetimet për përfshirjen e së resë si agjente vijojnë nga autoritetet shqiptare, por megjithatë në rrjete sociale Svetlana Timofeeva është një blogere e cila numëron mjaft ndjekës dhe herë pas herë ndan me ta disa nga ‘aventurat’ e saj.
Mirëpo, pamja e saj me syze, me flokët dhe fytyra pa shumë emocion ka bërë që shumë njerëz në rrjet ta krahasojnë me Annën e New York-ut.
Me siguri e njihni historinë e blogeres mashtruese në New York, Anna Delvey, që ende sot vuan dënimin në burg.
Anna është një ruse që kishte emigruar në moshë të vogël në Gjermani, që adhuronte jetën luksoze dhe arriti të futej në mes të elitave të New Yorkut. E fshehur në petkun e një trashëgimtareje, ajo arriti të merrte para borxh dhe ishte gati për të marrë një kredi shumë-milionë dollarëshe për të ndërtuar një qendër restorantesh, por në fund u zbulua që ishte vajza e dy emigrantëve dhe jo një trashëgimtare e pasur. Gjyqet e saj kanë qenë shumë të famshme në Amerikë madje ajo ka krijuar shumë fansa, që çuditërisht e pëlqejnë.
Është bërë edhe një serial nga Netflix që ka thyer rekorde shikueshmërie.
Ndoshta syzet, ngjyra e flokëve apo dhe pamja, i bën të ngjasojnë, por mbase i bashkon edhe manipulimi…
