Frikë për boksierin shqiptar Amarildo Vraja në duelin për gjerdsnin WBC junior në mbrëmjen e madhe të “Air Albania”.
Boksieri ka pësuar një dëmtim të rëndë pas përballjes me kundërshtarin Borislav Volev.
Bullgari e goditi fuqishëm duke e tronditur shqiptarin që humbi ndjenjat për disa momente por gjendja e tij u stabilizua pas hyrjes së mjekut në ring. Pas pak minutash panik, Vraja u përmend dhe u largua vetë nga ringu, i përlotur për një ndeshje ku shpresonte të bënte shumë më mirë, por që e mbylli pas pak sekondash.
Ndërkohë që për pak çaste zbret në ring Florian Marku, për duelin e shumëpritur.
