Ndonëse shpesh duket si një lojë “tërhiq e mos e këput”, Greqia dhe Turqia vazhdojnë të kenë përplasje.
Së fundmi, Presidenti i Turqisë, Rexhep Tajip Erdogan ka kërcënuar sërish Greqinë. Mediat greke bëjnë me dije se presidenti turk gjatë një takimi të zhvilluar në rajonin Ahlat të Biltisit, tha se ushtria turke do të vijojë operacionet për sigurinë e vendit të tij.
“Ne mund të vijmë papritur një natë (në veri të Sirisë) por edhe kudo tjetër”, ka thënë ai.
Siç raportohet, në deklaratën e tij Erdogan tha se lufta kundër terrorizmit nuk do të përfundojë derisa kufiri jugor i vendit të sigurohet me një korridor 30 km.
“I deklaroj edhe një herë botës se lufta jonë nuk do të përfundojë derisa të sigurojmë kufirin tonë jugor me një korridor 30 kilometra të thellë. Ne do të vazhdojmë operacionet sipas prioriteteve të sigurisë së vendit tonë dhe planifikimit tonë… Mund të vijmë papritur (në veri të Sirisë) një natë dhe mund të vijmë kudo tjetër. Ne shtypëm kokat e organizatave terroriste dhe do të vazhdojmë t’i shtypim ata”,- tha ai.
Sakaq nga tjetër ministri i Jashtëm grek, Niko Dendias është shprehur se prej tri vitesh janë përballur me një krizë të vazhdueshme ulje-ngritjeje me Turqinë.
