Shqiptarët kanë pushtuar së fundmi mediat britanike, sepse shifrat e emigrantëve të paligjshëm në vend janë bërë shqetësuese për qeverinë.
Këtë të enjte, mediat raportuan mbi një marrëveshje që kanë nënshkruar dy vendet për ekstradimin e shpejtë të emigrantëve shqiptarë. Kjo do bëhej e mundur përmes avionëve të cilat Home Office në Britani do i merrte me qira posaçërisht për këta emigrantë.
Sakaq, një ekspertë në Britani ka publikuar disa shifra alarmante. Në një intervistë për Sunday Express, eksperti i statistikave Mark White tha se brenda dy vitesh, numri i shqiptarëve që hyjnë ilegalisht në Mbretërinë e Bashkuar është rritur me 12 mijë përqind. Ai e konsideron këtë situatë si krizë mbi krizën.
Numri i shqiptarëve që kalojnë Kanalin Anglez për të kërkuar azil në Britaninë e Madhe është rritur me 12000 për qind në dy vitet e fundit, pohon një ekspert, në atë që ata e quajnë “krizë brenda krizës”.
Afërsisht 23,500 njerëz kanë kaluar në Mbretërinë e Bashkuar këtë vit me gomone, vetëm 5,000 më pak se vitin e kaluar. Prej tyre, 6,000 janë shqiptarë, pohoi White.
“Për t’ju dhënë një ilustrim të shifrave të emigrantëve që vijnë këtu, 23,500 njerëz kanë mbërritur me varka të vogla këtë vit. Tani, kjo krahasohet me 28,500 në të gjithë vitin e kaluar. Nga ata aktualisht, afërsisht 6000 kanë qenë shqiptarë. Bëhet fjalë vetëm për 8 muaj, pra mbeten dhe 4 muaj të tjerë. Tani, për t’ju dhënë një ide se sa është rritur numri i shqiptarëve në këto varka, në vitin 2020 ishin vetëm 50 shqiptarë që u zbuluan në varka të vogla” – tha White.
Numri i shqiptarëve që mbërrijnë në Mbretërinë e Bashkuar me varka emigrantësh që kalojnë Kanalin është rritur “thelbësisht” gjatë muajve të fundit, tha Home Office.
Ata pretenduan se rreth 2,165 u regjistruan si mbërritje midis janarit dhe qershorit 2022, krahasuar me vetëm 23 të zbuluara në të njëjtën periudhë të një viti më parë, sipas një raporti të botuar të enjten.
