3 të rinj u arrestuan ditën e sjeshme pasi dhunuan dhe kishin tentuar që t’i vinin flakën një vajze të mitur. Ardit Çela, 25-vjeç bashkë me dy shokët e tij Enea Hoxhën dhe 17-vjeçarin D.M, dyshohet se jashtë një pallati ushtruan dhunë ndaj një 16-vjeçareje, e më pas tentuan ta dëmtojnë me benzinë. E mitura ishte e ish-e dashura e 25-vjeçarit Ardit Çela dhe bashkëjetonte me të.
Sakaq, detaje të reja janë zbuluar nga ngjarja.
Siç shkruan Ora News, e mitura ka treguar përballë një oficere të gjithë skenën tragjike.
Sipas dosjes hetimore që tashmë po ndiqet nga prokurori i Tiranës Saimir Hysa,Çela ka pasur mosmarrëveshje me vajzën e re kohët e fundit për shkak të dyshimeve për tradhti. Ai e ka survejuar një ditë 16-vjeçaren duke e pikasur atë me një person tjetër në hotel. Kjo ka sjellë që Çela të hakmerret, në formën me ekstreme duke vënë në zbatim planin për ta djegur me benzinë 16-vjeçaren.
Çela konsiderohet nga strukturat e komisariatit nr. 2 në Tiranë si kontingjent kriminal dhe i shoqëruar disa herë në polici. Por këtë herë ai është bërë protagonist i një ngjarje të rëndë, duke tentuar të vrasë bashkëjetuesen e tij, të cilën e ka lyer me benzinë dhe më pas ka dashur t’ia verë zjarrin me çakmak.
Sipas dëshmisë së vajzës, bashkëjetuesi benzinën e kishte siguruar në një bidon të vogël që përdoret për pijet freskuese.
“…unë kam parë Arditin që të më lagi në shkallët e pallatit me një bidon të vogël, të cilin e kishte mbushur me benzinë. Benzinën e kam dalluar nga era, dhe jam trembur shumë. Arditi ka nxjerrë nga xhepi një çakmak dhe aty, e tmerruar jam larguar me vrap përmes pallateve duke kërkuar ndihmë…” – ka treguar në polici 16-vjeçarja.
