Teksa sot u dha masa e sigurisë për 3 të rinjtë që u përfshinë në ngjarjen e dhunimit, dhe më pas tentuan të digjnin me benzinë një 16-vjeçare, ka ndodhur një episod i pakëndshëm. Tre të rinjtë 25-vjeçari Ardit Çela, Enea Xhori dhe shtetasi tjetër me inicialet D. M., prisnin të jepej masa.
Duke pritur pas kafazit prej xhami në pritje të verdiktit nga gjykatësi, një prej tyre, shfaqet i nervozuar kur sheh se filmohet nga gazetarët, madje shkon deri aty sa edhe kërcënon.
“Do ta fus atë telefon në by**ë po të pashë përjashta”, dëgjohet teksa kërcënon i riu, ndërsa lëviz pa pushim duke treguar nervozizëm. Mësohet se Çela është djali i një ish-polici, ndaj të cilit gjykata caktoi masën ‘arrest me burg’ dhe për dy miqtë e tij caktoi ‘detyrim paraqitje’.
