Milan nuk has probleme në javën e 3-të të kampionatit. Kuqezinjtë arritën të fitonin 2-0 me Bolognan në shtëpi.
Goli i parë do vinte në minutën e 20-të. De Ketelaere dha një assist për Leaon, i cili gjeti rrjetën me një goditje tokazi.
Goli i dytë i sfidës dhe i pari për këtë sezon për Olivier Giroud do vendoste fatet e takimit. Në minutën e 58-të, sulmuesi francez bën një lëvizje mjaft të bukur, me Skorupskin që në raste të tilla nuk mund të bëjë asgjë.
Pjesa e mbetur e lojës do shërbente për administrimin e rezultatit për djemtë e Piolit. Milan kryeson me 7 pikë, po aq sa ka edhe Lazio, Torino dhe Roma. Bologna është e 17-ta me 1 pikë.
