Nuk kanë të ndalur skandalet për kryeministren festë-dashëse të Finlandës, Sanna Marin.
Pasi i dolën në mbështetje gratë e vendit të vet, edhe gra të tjera të pushtetshme, i kanë dalë në mbrojtje.
Ish-sekretarja e Shteteve të Bashkuara të Amerikës, Hilary Clinton, i ka dalë në mbrojtje kryeministres së Finlandës, Sanna Marin,pas publikimit të videove të saj, duke u dëfryer në festa dhe klube nate.
Në një postim në Twitter, Clinton ka ndarë një foto ku shihet duke kërcyer në një mbrëmje, teksa ndodhej në Kartagjenë si Sekretare Shteti.
“Siç ka thënë Ann Richards, ‘Ginger Rogers bëri gjithçka që bëri Fred Astaire. Ajo e bëri atë vetëm mbrapsht dhe me taka të larta”. Këtu jam unë në Kartagjenë ndërsa isha atje për një takim si Sekretare e Shtetit. Vazhdoni të kërceni, Sanna Marin,”– shkruan Clinton në statusin e saj.
Postimin e Clinton e ka shpërndarë edhe kryeministrja Marin, e cila e ka falënderuar ish-kandidaten për presidente të SHBA-së për mbështetjen e dhënë.
