Një aksident i rëndë ka ndodhur në orët e para të mëngjesit në Tiranë, ku një makinë ka humbur kontrollin dhe është futur në oborrin e një banese, duke përplasur për vdekje 23-vjeçaren e identifikuar si Marjana Seitaj.
Drejtuesi i mjetit Sajmir Taci ka humbur kontrollin dhe ka dalë nga rruga, duke u futur në oborrin e banesës së viktimës.
Si fillim 23-vjeçarja është dërguar në spital, por më pas për shkak të dëmtimeve të marra ka ndërruar jetë.
Sipas burimeve, e ndjera kishte vetëm një javë që ishte martuar.
Grupi hetimor po punon për sqarimin e rrethanave të aksidentit.
Njoftimi policisë:
Tiranë/Informacion paraprak
Më datë 31.08.2022, rreth orëve të para të mëngjesit, në rrugën “Shaban Bardhoshi”, shtetasi D. T., duke drejtuar automjetin, ka humbur kontrollin mbi drejtimin e tij duke dalë nga rruga dhe ka hyrë në oborrin e një banese.
Si pasojë është dëmtuar shtetasja M. S., 23 vjeçe, që ndodhej në oborrin e banesës së saj, e cila më pas, ka ndërruar jetë në spital.
Grupi hetimor po punon për sqarimin e rrethanave të aksidentit.
