Lufta e Dytë Botërore, e ndodhur në mes viteve 1939 dhe 1945, ka qenë njëra ndër luftat më të përgjakshme gjatë historisë së njerëzimit. Shumë njerëz humbën familjarë që u ndanë nga jeta, e disa të tjerë i humbën duke qenë gjallë, por në cepa të ndryshëm të botës…
E tillë është historia e dy vëllezërve, të cilët u ndanë nga njëri tjetri në vitin e largët 1945, dhe do do të ritakohen sërish pas 77-vjetësh.
Ted Nobbs, tashmë 83 vjeç dhe vëllai i tij Geoff, 79 vjeç, kanë kaluar më shumë se shtatë dekada rreth 10 mijë milje larg njëri-tjetrit, pasi familja e tyre u nda në fund të Luftës së Dytë Botërore.
Të dielën, ata do të ribashkohen kur Ted do të fluturojë për në Australi, aty ku Geoff jeton që prej moshës 7-vjeçare.
Ted, së bashku me vëllezërit e motrat Barry dhe John, u ndanë të gjithë nga vëllai i tyre më i vogël Geoff pasi nëna e tyre vdiq nga kanceri në moshën vetëm 30 vjeç, në vitin 1945.
