Një 32-vjeçare është arrestuar në kryeqytet me akuzën e mashtrimit, pasi u kishte premtuar viza ne Mbretërinë e Bashkuar dhe paketa turistike.
Ajo u kap nga policia pas një kallëzimi nga dy persona të cilët kanë deklaruar se kjo Hodo administronte një agjenci turistike nga ku me anë të mashtrimit përfitonte shuma të mëdha parash.
Si pasojë 32-vjeçarja është vënë në prangat e policisë nga ku në cilësinë e provës materiale u gjetën dhe u sekuestruan 11 pasaporta, policë sigurimi dhe blloqe me shënime të ndryshme. Klaudja Hodo kishte arritur të përvetësonte një shumë prej 16 mijë e 700 euro me anë të mashtrimit të saj ndaj qytetarëve.
Materialet i kaluan Prokurorisë pranë Gjykatës së Rrethit Gjyqësor Tiranë, për veprime të mëtejshme procedurale.
