Mbyllet merkato verore pas një muaji intesiv. Shumë blerje, shitje dhe transferime me bujë. Tashmë ekipet u plotësuan dhe i gjithë fokusi tani shkon tek sfidat pasardhëse dhe shumë të ngarkuara.
Ndjekim disa nga titujt kryesorë të mediave sportive:
Prestigjozja “Marca” e konsideron ditën e fundit të merkatos si “Një mbyllje e çmendur”. Lum transferimesh në LaLiga ditën e fundit të merkatos.
“Të regjistruar” ka shkruar katalanasja “Sport”. Marcos Alonso u përfshi në marrëveshjen e Aubameyang me Chelsean dhe nënshkroi për dy sezone plus një. Bellerin nga ana tjetër, ndërpreu kontratën me Arsenalin dhe do të ketë një kontratë njëvjeçare me klubin Blaygrana.
“Mundo Deportivo” fokusohet gjithashtu tek blerjet e ditës së fundit nga Barça: “Bellerín, po. Marcos, pritet”.
“Mbyllet” është titulli i madrilenes “AS”. Dita e fundit e merkatos mbyllet me 24 blerje dhe 22 dalje në LaLiga.
“La Gazzetta dello Sport’ hapet me trajnerin Inzaghi që e bindi presidentin ditën e fundit: “Goli i Inzaghit”. Presioni teknik e solli Acerbin “e tij” në Inter.
“Ne i fitojmë të gjitha” shkruan e përditshmja italiane “Corriere dello Sport”. Gjeli Belotti paralajmëron ekipet ‘BIG’: “Ne nuk vendosim kufij, ne jemi të fortë”. 
Tuttosport hapet si zakonisht me bardhezinjtë: “Alegri, tani është Juve juaj”. Ekipi u përmbys në 8 muaj me nënshkrime të nivelit të lartë dhe shitje kryeveprash: më i fundit, Arthur në Liverpool dhe Zakaria në Chelsea.
Në Britaninë e Madhe, “Mirror Sport” nxjerr në pah sulmuesin që vendosi fitoren 1-0 të Manchester United ndaj Leicester. “Show me drita”, Sancho shkëlqen dhe merr United në ‘shpatulla’.
