A jetohet pa telefon në ‘shekullin e teknologjisë’? Sipas presidentit rus Vladimir Putin, sigurisht që po…
Putin ka zbuluar prej kohësh se ai nuk përdor një telefon celular. Gjatë një interviste dikur me agjencinë shtetërore të lajmeve TASS, lideri pranoi se nuk përdorte celular. Në vend të kësaj, ai tha se kishte një telefon zyrtar të posaçëm që mund të lidhej me cilindo numër që dëshironte.
Ai ka deklaruar shpesh se refuzon të ketë një smpartphone në shumë raste.
Në vitin 2010 ai zbuloi pikëpamjen e tij teknofobike për telefonat inteligjentë, duke deklaruar se nuk donte një të tillë, sepse “do të binte gjatë gjithë kohës”.
Presidenti rus, në fakt, nuk ka profile në rrjetet sociale dhe as nuk ka ndërmend të ketë një të tillë. Gjithashtu sepse ai ka qenë gjithmonë “alergjik” ndaj smartfonit. Ishte zëdhënësi i tij i besuar Dmitry Peskov ai që shpjegoi pse Putini nuk do të ndjekë shembullin e mikut të tij Silvio Berlusconi.
Zëdhënësi i Kremlinit, raporton agjencia Interfax, përsëriti se Putini nuk përdor celular, nuk ka llogari në rrjetet sociale dhe nuk ka ndërmend të hapë një të tillë pasi ka kanale të mjaftueshme për të marrë informacion dhe për të komunikuar me rusët.
